Rikirangi Gage

Ko Rikirangi te Toihau o Te Rūnanga o Te Whānau a Apanui i tēnei wā. He tumu whakarae o mua o Te Ohu Kaimoana, he mema o mua o te poari o Whakaata Māori, o Ngā Pou Taunaha o Aotearoa anō hoki. He mema o mua o te poari o Te Papa (1998–2001), i tū hoki ia hei kanohi mō Te Ohu Kaimoana i te Convention on Biological Diversity, i Āketina.

Kua whai wāhi a Rikirangi ki tētahi paewhiri mātanga hei kaitohutohu mō Te Ture Whenua Māori i te tau 1993, ki te Ministerial Advisory Committee for the Oceans Policy, me te Board of Enquiry for the New Zealand Coastal Policy Statement (2008–2009). He pou wairua o te hāhi Ringatū, he kaitito rongonui anō a Rikirangi. Ko Rikirangi hoki tētahi kaiwhiriwhiri mō te whakataunga Tiriti a Te Whānau a Apanui.

Ko wai e noho ki tō tāpenakara?
Ko wai e noho ki tō maunga tapu?
Koia e tapatahi nei te haere.