Moe Milne

I tipu ake a Moe i Matawai i Te Tai Tokerau i waenganui i tōna whānau nui. He nēhi tana māmā i rongonui i roto i te rohe mō āna mahi tiaki i ōna whanaunga. I whakangungu tuatahi a Moe ki te Hōhipera Mate Hinengaro o Māngere, i Tāmaki, i a ia e rangatahi tonu ana. Ka haere ia ki te Hōhipera o Ngāwhatu i Whakatū, kia tīmata āna mahi hei nēhi mate hinengaro. Ka puta ia hei nēhi ki te Hōhipera o Kingseat i Tāmaki ki te Tonga. Ka noho ia ki Kōtirana mō ētahi tau o ngā tau 1970, i te wā e whanake nui ana ngā mahi whakaora tūroro mate hinengaro.

Ka puta ia hei nēhi ki te Hōhipera o Kingseat i Tāmaki ki te Tonga. Ka noho ia ki Kōtirana mō ētahi tau o ngā tau 1970, i te wā e whanake nui ana ngā mahi whakaora tūroro mate hinengaro. Ka hoki mai a Moe ki Aotearoa ki te mahi nēhi ki te Hōhipera o Carrington i Tāmaki.

I te tau 1980, ka hoki a Moe ki Matawaia, ka whakangungua hei kaiako. Ahakoa tēnā, ka pūmau tonu tōna ngākau ki ngā kaupapa mate hinengaro. Ka kōkiritia e ia ētahi kaupapa hou i Aotearoa hei whakapiki i te iwi Māori, mā roto mai i āna mahi hei Kaiwhakahaere mō Te Toihau Hauora, Hauātanga. Nāna rawa i whakapūmau ngā tikanga mōtika, me te whakawhanake i ngā tohutohu mā te hunga whakamahi i ngā ratonga hauora. Nā Moe hoki i whakaoti Ngā Tikanga Tōtika, he hua nō te matapakinga ā-motu tuatahi ki te iwi Māori mo ngā kaupapa mate hinengaro. I whakawhiwhia a Moe ki Te Tohu Āpiha mō āna mahi hāpai i te hauora, mō āna mahi hāpai i te iwi Māori i te tau 2017. 

E mōhio ai koe he rangatira te tangata mā te rangatira o ana mahi, ko te rangatira o ngā mahi, e kore e takahi i te mana o tētahi atu, he manaaki i te hunga whai i tōna huarahi ki tōna ora, ko te mahi a te rangatira he whiriwhiri me pēhea e puta ai ngā hua ki te nuinga.